SÁBADO 4 XUÑO

A ILLA DE AROUSA

ÚLTIMO ACTO TRAS UNHA DÉCADA DE VIDA

ACCESO E APARCAMENTO


O evento é de entrada gratuíta até completar aforo. Os concertos celebraranse na marabillosa Illa de Arousa, no   Chiringuito O Faro ︎, ao carón de Punta Cabalo, un dos recunchos máis abraiantes da nosa costa. Disporemos de espazo para gozar dun día de música, praia e mexillóns, pero se vés en coche recomendamos dúas opcións para evitar a conxestión da zona:

  Porto do Xufre  ︎
O porto conta cun amplo espazo para aparcar e localízase a escasos 15 minutos camiñando do chiringo.

  Aparcadoiro O Chiringo   ︎
A 200 metros habilitarase unha finca no que podes deixar o coche toda a xornada por 3€. O teléfono de reservas é o 690 912 276.

Decántate por calquera destas dúas opcións pero pensa que estamos nun entorno natural e diminuir o número de coches nunha zona xa de por si conxestionada as fins de semana fará a xornada moito máis agradable.


COMIDA E CEA


O Chiringuito O Faro conta cunha ampla carta de pratos imbatibles para gozar nun día de praia e festival.

Churrasco, mexillóns, ensaladas, empanadas... repoñerán enerxías nunha xornada que se antolla longa e moi divertida. Para refrescarnos contaremos, entre outros, cos produtos dos nosos patrocinadores,   Cervezas Alhambra   e Vermú Lodeiros.

Recorda, iso si, facer un consumo moderado e responsable das bebidas alcohólicas. A xornada será longa e ten perigo ;)

Lamentamos non poder ofrecer maior variedade de opcións vexetarianas e veganas, debido as características do espazo e do evento non foi posible contar con máis alternativas.

Igualmente, o Chiringuito O Faro só acepta pagos en metálico.

Consulta a carta completa ︎




ALOXAMENTO


Agora mesmo parece que os aloxamentos na Illa están completos, pero tes o   cámping Capitán Aguacate   ︎ a cinco minutos camiñando dende o chiringo e a prezos moi populares, tanto se vés en furgo, como tenda.

O teléfono de contacto e reservas é o 690 912 276.




HORARIOS


 13:00
A música estará soando no Chiringuito O Faro, xa que durante toda a xornada acompañarannos Músculo! DJs e DJ Tristón, o mellor de cada casa pinchando o mellor de tódolos estilos e épocas.

 13:30
Xusto antes de xantar abrirán fogo Familia Caamagno e partir de aí que o Señor nos colla confesados. Comida, praia, remollo, pinchada boa, sesta…. (a orde non é importante) e aínda pode que algunha sorpresa musical apareza nos cons.

 19:00
Retomamos os concertos despois da praia: Birds are Indie, Stone Dead, Pablo Und Destruktion e Soledad Vélez. Aí é nada.

 01:00
Tralos concertos continuaremos con máis pinchadas, máis refrescos, máis Illa, máis noite, máis amigos, máis recordos destes dez anos de Desconcierto Cultural e máis apertas… até que alguén nos diga que todo rematou, ou non.










2010 ––– 2022